تبقى موظف شقيان ولا صاحب شركة متكحرت؟ الاختيار ليك

إمته تختار تبقى صاحب مشروع / وليه ممكن تكمل حياتك موظف ويكون أفضل بكتير

ملحوظة»»الافكار التالية هي مجرد اجتهاد شخصي بحت مبني على وجهة نظر وتجارب وغير خاضعة لاي استناد علمي او أدلة منطقية – اعتبرها فضفضة

فكرة تأسيس مشروع خاص بقت منتشرة جدا الفترة الاخيرة. الشباب والاكبر منهم سنًا بشوية اتكون عندهم توجه قوي نحو الاستثمار الخاص والاعتماد على المجهودات الشخصية في تأمين مصدر دخل افضل وحياة اجتماعية كريمة

ما بين الافكار والتنفيذ المنهجي الصحيح او غير المنظم في تخبط كتير، وصولا الى مشروعات من دي بتنجح فعلا نجاح مبهر وتعمل فرق وتحقق نجاح لصناعها وبين مشروعات تانية لسه بتحاول تلاقي طريقها او اخرى فشلت فشل ذريع

انا كموظف – بقبض مرتب – عندي مهارات في مجال معين او عندي خبرة ميدانية في امور ادارة وانشاء فكرة مشروع حاببها.. امته اتأكد ان دة الوقت المناسب اللي اعمل فيه مشروعي وابدأ اكرس وقتي وادخاراتي كلها في سبيله

وامته اعرف اني لازم استنى شوية على الخطوة دي واكمل كموظف كمان كام سنة

الفكرة باختصار اتزان بين جوانب كتيرة – محتاج توفق ما بينهم علشان تعرف تقرر صح ومتكونش بتضيع وقتك

اولا / الجانب الاجتماعي


هل انت اجتماعيا من حيث المسئوليات والالتزامات المادية جاهز للمخاطرة؟ دة مش تشاؤم او خوف من الفشل خالص.. كل الفكرة انك لازم تحسبها
طيب على صعيد اخر.. هل عندك من رأس المال ما يكفي لبدء فكرة مشروع قوية ومدروسة؟ ولا مجرد افكار وهتحاول وزي ما تيجي تيجي.. ادرس الجانب الاجتماعي الخاص بيك كويس جدا ولو تمام يلا بينا على اللي بعده

ثانيا / الجانب العملي


في خطوة مهمة جدا اغلب رواد المشروعات الصغيرة بينسوها حضرتك.. عملت دارسة جدوة؟ الاستاذ اللي عمل مشروع بطاطا هناك عملت ميزانية؟؟ الاخ اللي فاكر نفسه هيبقى بيل جيتس عندك خطة خمسية او حتى سنوية واضحة وممنهجة ومنطقية
لازم تكون ماشي صح، ولو مش عارف ادي العيش لخبازه.. اقعد ادرس وخطط واتعلم سنين علشان لما تطلع بالمشروع تكون ماشي صح
الفهلوة لو لقطت مرة هتخيب التانية وهتقطم وسطك ف التالتة.. فكر صح واشتغل صح لان اهم م الشغل تظبيط الشغل

ثالثا / الجانب النفسي والاهم والاخير


فكرة العمل الخاص او تأسيس مشروع بيقوم على عدد من الموظفين فاتحين بيوت ودة بالنسبة ليهم باب رزق – مسئولية. وفكرة انك بتقدم حاجة على نطاق اوسع للمجتمع بردو مسئولية. اتأكد من سلامة نية فكرة مشروعك وانها فعلا هتفيد المجتمع. واتأكد كل يوم انك بتراعي ربنا في كل شخص بيشتغل معاك وانك حاطط من القوانين والنظم ما يكفي لحمايتهم من اي تقصير ممكن يأثر عليهم او على سير العمل، لان القواعد على قد ما ممكن تكون قيود على قد ما بتحمي الموظف نفسه وبتعرفه حدوده

في النهاية – فكرة المشروع الخاص مش مجرد منظرة ولعب. لو عايز تعملها اعملها صح او اتقل ع الرز يستوي. لان على رأي المثل ان سرقت اسرق جمل وان عشقت اعشق قمر. ومن عندي انا بقولك لو هتعمل مشروع حتى لو عربية فول اعملها صحح وقسمًا بالله هتضرب. بس لو لسه مجاتلكش الفكرة يبقى استنى مش تريند هو وكله هيييه يلا نعمل مشروع بليلة. اتقل ع الرززز يستوي
صباح الفل

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s