الكول سنتر في جحيم!.

كلنا أول ما اتخرجنا ، و في بداية رحلة البحث عن كارير يلمّنا -سواء له علاقة باللي درسناه أو لأ- خبطنا في هذا الوحش المخيف الذي  يدعى كول سنتر..

FB_IMG_1543137983523 (1)

في مننا اللي استجاب و بدأ رحلة جميلة في مكان واسـع إسمه الفلور ، مليان ناس شغالة و صوتها عالي لدرجة تجيب صداع!!
لبسوه السماعة و قالوله ، يلا لوج!..
تطبيقًا للي حفظه كويس في ما يسمى الترينج ، بدأ المكلامة مع الكستمر بابتسامة -عشان حتى لو كان الكستمر مش شايفك هو هيحس بطاقتك الإيجابية و ابتسامتك-

FB_IMG_1551003785759.jpg
و فجأة..
لقى واحد بيصرخ في ودانه و فيضان مشاكل و رغي و عايــز مديرك و هكذا..

FB_IMG_1536686508349.jpg
و الباقي حضراتكم عارفينه طبعًا..

المقال دة للشقيانين الغلبانين اللي لسه يا عيني محشورين في معجنة الكول سنتر
من أخت ليكم حاولت تخرج برة هذه الدائرة الدامــية ، لاكتشاف نفسها في كارير آخر أكثر آدمية

خليكـ معايا للآخر يمكن ، يمكن مين عارف تستفيد حاجة،،

FB_IMG_1546095692037.jpg

 

لو حضرتك لسه متخرج ، أو دي أول شغلانة ليك محتاجة بس أقولك شوية معلومات عن سوق العمل الخاص عندنا في مصر..

1- الفرق بين ال net salary و ال gross salary زي الفرق بين T و G

كتير مننا بينخدع في الاوفرز اللي بتعلنها شركات الكول سنتر و كمان بعد ما يبدأ شغل..
في خصومات زي التأمينات الصحية و الإجتماعية و التأخيرات و الذي منه بتاكل تلت المرتب حرفيًا
في حين إنك بتكون شغال في بيئة مش صحية خالص ، من حيث الضغط العصبي
و كونك ملكش الحق في أي أجازات رسمية لمجرد إنك هتاخده ليو أو دبل بيد!!

FB_IMG_1536392028297.jpg

2- اللي بيحصل دة إسمه إهانة مش تشالنجز خالص على فكرة!!

FB_IMG_1523310826735 (1).jpg

أي نوع من أنواع التوتر أو الشتيمة ممكن تتعرضلها تحت مسمى التحديات و يلا عشان نبني الشركة باطـــل
أي وعد هتاخده من مديرك اللي عايز يحقق تارجت بإنك هتترقى و إسمك مكتوب استحمل شوية بس باطــــل
كل وقت كنت بتضحي فيها بحياتك الاجتماعية و تقول الشغل أولى عشان أترقى و أثبت نفسي فيه باطـــل

3- هل تعلم إن حضرتك زيك زي المخدة اللي الكستمرز نازلين فيها ضرب بالبوكس و هي ولا ليها دعوة بحاجة!..

التكنولوجيا دلوقتي اتطورت جدًا ، و فكرة إني ألبس حد سماعة ، و البسه أخطاء كل أقسام الشركة ، و الزمه انه يحلها ، و اخصمله لو معملش كدة ظلم!!

FB_IMG_1544497791207.jpg
ممكن بكذا تطبيق ذكي و إعلان على وسائل مختلفة أوصل للعميل أحلله مشاكله و أبيعله و كمان أخد منه فيد باك..
دة مش موضوعنا ، بس فعلًا الشغلانة صعبة و مرهقة جدًا و مميتة على المدى الطويل…

4- أكيد عند حضرتك مهارة ممكن تستثمرها في كارير ممتع أكتر ، محتاج بس تكتشف دة..

FB_IMG_1532544946672 (1).jpg

مع احترامي الشديد و البالغ لكل مهارات التواصل و الهندلة و الكومتمنت اللي بينادي بيها مديرين الكول سنتر العظماء
بس أنا شايفة إن كل واحد فينا دماغه تقدر تجيب إبداع أكتر من كدة حبّة حلويين!!
حاول تكتشف بتعرف تعمل إيه ، اجتهد شوية و بص على الوظايف اللي موجودة في شوق العمل
مش هقولك خالـــص خد كورسات لأنها نصب و كل حاجة موجودة ع النت..

5- الفلوس أكيد مهمة و أهم حاجة كمان ، بس ممكن تقولي هتقدر تصمد ف الهم دة لحد إمته؟؟

مش بقلب عليكـ المواجع و الله ، بس فعلا هتقدر تكمل كدة لحد إمته ؟؟

FB_IMG_1523384030221.jpg
البني آدم طاقة و لو حضرتك بنت اسلوب حياتك هيجي يوم و يتعارض مع شغل الكول سنتر و هتضطري تسيبه ف بدل ما تخسري شغلك ، اللي ممكن يكون سندك الوحيد قدام.. حاولي تلاقي كارير مناسب لاسلوب حياة أم و زوجة ، أو حتى بنت عندها صحاب و أهل سائلين عليها!..

خلاصة الكلام..
لو محاولناش نظبط حياتنا و نخليها أحسن دلوقتي هنعمل كدة إمته؟؟
اسعى و ربنا مش هيضيعك والله ، و استعين به و اجتهد و أكيد هتلاقي
و طالما مش مرتاح و متأكد إنك عمرك ما هتكون يبقى

FB_IMG_1537217709528.jpg
أهرب يا ولدي!….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s